疫情關係，就較盡量莫出國，佇咧南投杉林溪的生態園區，目前遐的牡丹花開甲真大蕊，咱做伙來看覓。
紅的、白的、猶閣有這朵，開甲大大朵，粉紅粉紅的牡丹花，這陣當是南投杉林溪牡丹花季，來看花的人，攏講來到遮，心情加真輕鬆，也免掛喙罨，吸收新鮮的空氣。
受武漢肺炎疫情影響，觀光局已經禁止國內旅行業者出團，這陣國內真濟山區，成做民眾行踏的好所在。
杉林溪森林生態園區表示，四月底牡丹花的花期過，閣來五月份就是繡球花季，雖然這陣當是防疫的危急期，不過適時去外口行踏，曬日頭，看花，予心情較輕鬆，也真重要。
記者 綜合報導
杉林溪牡丹花齊開 民眾通去敨放疫情壓力
發布時間：
最後更新：