南投水里梅園名聲響 梅花著時唌遊客行跤到

南投水里的上安梅區，因為海拔懸、雨水厚，梅花開甲特別媠，咱做伙來欣賞。


月白色的梅花開甲規大片，按半空中看落去宛如絨毯，風雅閣高貴。遮是南投縣水里鄉上安村的三廍梅區，因為這搭海拔懸、雨水厚，閣有夠寒，所致現時梅花當著時，花開的狀況有夠好。

===水里上安梅農 張哲銘===
今年比去年好很多
（怎麼說)氣候比較冷
還有下兩波的雨


民眾去到上安村看梅花，毋但會當鼻著花的芳氣，因為當地的梅花攏無澍化學藥劑，一四界齊有聽見蜜蜂無閒咧採蜜的聲音，人行佇梅園，感覺規个心神攏誠爽快。毋但花開甲媠閣好，樹仔的形體嘛誠特別，吸引袂少遊客行跤到，眼界一下。

===民眾 潘小姐===
連續來了三年
看了心情就會很好
這裡真的比其他地方還漂亮

===遊客 運先生===
其實賞梅隨人而異嘛
我們是喜歡看這個梅樹的這個型
覺得這個地方 梅樹的型很有個性


農民表示因為天公有保庇，今年梅花開甲比往年閣較好、閣較讚！民眾若想欲看花，著把握這个時陣。另外，嘛歡迎鄉親買梅仔做的產品，支持遮的用心種梅花的農民。

綜合報導