雲林李宗燦友善養殖 飼粉蟯仔競賽三連霸

雲林台西飼蛤仔的業者李宗燦，已經連紲三年，佇咧漁會所辦的比賽，提著冠軍，伊就是專門飼蛤仔食好菌，才有才調飼出遮肥，閣遮鮮甜的冠軍蛤。這幾年，伊也申請「食品安全」的認證，望講台西蛤仔的好，會當廣告予閣較濟人來捧場佮呵咾。


連紲提著三个冠軍獎盃，這嘛通證明李宗燦飼的粉蟯仔，品質實在是足好。因為伊自頭一冬著冠軍彼時，就堅持使用益生菌，才通共這寡粉蟯仔飼甲肥閣清甜。

==養殖業者 李宗燦==
台西鄉占百分之六十
怎麼可以不讓文蛤出名
==消費者==
（和別人的差別在哪)
差別在 較清甜啦


李宗燦講伊自飼粉蟯仔到今，除了顧品質，嘛一直修正養殖方式，閣強調上重要的是愛友善土地，學習按怎和自然環境共處。

==養殖業者 李宗燦==
因為大自然我們沒辦法去改變它
我們只能提早預防
就是用一些 用這個益生菌啊
用越天然的東西下去改變


因為粉蟯仔落尾猶是食落去人的腹肚底，李宗燦除了佇養殖這部份下真濟苦心，最近嘛申請各種的食品安全認證，就是希望消費者食了通安心。

==養殖業者 李宗燦==
雙枚貝在吸收了有毒的藻
所以人吃下去會被麻痺
所以要做這一塊
台灣基本上 還沒有這個例子
只是我們做在前面(預防)


臺西的粉蟯仔產量占全臺灣六成，產量大、品質好，毋過較欠包裝和行銷。李宗燦嘛講未來會繼續推廣故鄉特產，予愈濟人了解，甚至佮意臺西的粉蟯仔。

記者 綜合報導