#逆向行駛
-
高雄5个濟改食酒駛車的人 名姓.清楚相片攏公告
|依照新規定，高雄市交通局今日刊佇官網，攏總5名是掠著食酒駛車幾若改的民眾，而且共相片、名姓攏清楚共貼出來；甚至違規的行為攏有寫出來。另外，行政院會也通過交通部提報的修正草案，刁工逼車的危險駕駛上懸罰到3萬6，無駕照駛車的上懸罰到2萬4。
-
修法惡意逼車上重罰3萬6 無牌駛車通罰2萬4
|咱咧車路頂頭，定定攏會有後壁車共你閃大葩燈，或者是駛真倚、欲逼你緊離開。針對這款刁工逼車的行為，未來會共罰金對2萬4搝懸到3萬6。無駕照就駛車的行為，罰金也會對萬2增加到2萬4。相關條文三月底欲送行政院審查，上緊今年底就會當施行。
