準三級警戒

嘉義縣快篩站縣市縣政府防疫措施嘉義市採檢核酸檢測民眾疫情 ⋯

生活

嘉義進入準三級警戒縣府規劃設快篩站

嘉義縣市進入準三級警戒，各病院出現採檢的需求。衛生局表示，若無去危險區域抑是接觸史的民眾，這段時間無建議去病院採檢，避免影響病院採檢量能。嘉義縣進入準三級警戒，中晝的時陣，縣政府閣來到宮廟視察防疫措施。除了宣導正確的防疫觀念，縣政府嘛開始規畫快篩站的設置。嘉義縣衛生局長趙紋華:「阮這爿已經做好規劃，物件也已經有款好，若是到時陣有需要，阮可能會閣看欲佇佗一个鄉鎮，抑是佗一个所在，阮來成立快篩站。」因為疫情，嘉義縣市各大病院的採檢人數，佮頂個月比起來，增加誠濟人，嘉義縣市的衛生所攏呼籲，若無接觸疫情相關的人抑是所在，民眾猶是儘量莫到病院。嘉義長庚急診醫學科主任林稜傑:「(採檢需求)上升的比率倍數，大概增加4倍至5倍之間，阮病院檢驗的量能，嘛是全面啟動來因應目前這款大量篩檢的要求。」仝款進入準三級警戒的嘉義市，煩惱疫情的傳播，緊急協調市內的夜市仔暫時停止營業。針對民眾關心的自費篩檢，嘉義市衛生局表示，這馬的規定是有症頭就公費來檢查，無症頭的人嘛無提供自費採檢，嘛開始規劃快篩站。嘉義市衛生局副局長廖育瑋:「如果整個國家的政策，是欲設這个社區篩檢站，阮就會趕緊設立，予有需要的民眾會當來做篩檢。」目前嘉義縣市病院使用的採檢是核酸檢測，時間較長毋過較準。快篩站使用的抗原檢測，雖然只愛15分鐘，而且若是初期感染的人，可能就檢查袂出來。病院表示，減少出門，掛喙罨，定定消毒洗手，是目前上好的防疫措施。 2021/5/18 19:15

嘉義縣快篩站準三級警戒縣市縣政府防疫措施 ⋯

合歡山武嶺亭遊客拍照未戴口罩、保持社交距離

2021/5/16 19:51

南投合歡山戴口罩拍照武嶺遊客 ⋯