嘉明湖步道修復10年 林保署辦特展記錄成果

無大型的工程機具，無吵鬧的施工聲，只有一雙閣一雙的手，志工用雙手來修復嘉明湖國家步道，順應地形、用人力、來保護生態，這是林業保育署結合山友佮學者[[畫面提供:林業署out]]，鬥陣推動的守護行動，對2016開始到今，已經十年矣，參加的志工講，過程毋但只是修復爾爾，也學著真濟智識。

步道志工 陳先生
步道一直攏真堅固，攏無受著剾風落雨影響，我感覺這个手作，真融入這个山林

步道志工 吳先生
毋干焦是手工(做)步道，閣有人為破壞(修復)，因為人就是會破壞森林 大自然，阮共伊修復 予我感覺通吸收著愈濟能量

嘉明湖佇海拔3千公尺懸，步道超過12公里長，步道維護攏是靠志工佮山友協助，1人揹1公斤、共塗石、建材揹去山頂，計共出動7萬人次，逐年修護的長度對幾若十公尺到幾若百公尺不等，與登山者轉變身分、變做守護山的人，臺東分署長講，這條路也是原住民生活的區域，所以建立人和大自然的連結是真重要的。

林業保育署臺東分署長 吳昌祐
毋干焦是步道服務咱，咱愛去服務環境 愛去保護伊，伊才會予咱能量 予咱善的能量

十年的時間、志工用雙手、起一條永續的路，過程中也有用影像和畫圖紀錄，林業署也為遮的作品舉特展，欲予社會大眾了解步道背後的專業佮堅持。

記者 陳心彤 王志剛 臺北報導