塑膠廠著火1著傷 火燒超過4點鐘影響空品

消防警報ＮＳ
地下二樓紅色
火災警報一直霆，規條路已經予烏煙罩甲看袂清。高雄大發工業區一間塑膠工廠，16倚晝雄雄著火燒起來，陣陣的烏煙就連幾若公里遠的所在就看現現。業者講，ﰀ主要是咧做塑膠碗盤佮建材，工廠內底有大量的塑膠原料佮成品，到底是按怎燒起來的，ﰀ家己嘛捎無摠。

業者 賴小姐
第一時間就是干焦聽著砰一聲阮第一時間就有趕緊提水欲去拍火毋過水壓不足

高雄市潮寮國小總務主任 吳佳霖
外口彼煙是烏的嘛 天頂攏烏的阮就是中晝差不多12點欲食飯前阮就敲電話共全校放送囡仔今仔日先莫出來外口ﰣ迌攏先留佇教室內底 請老師配合

因為透西北風共烏煙吹對大寮佮屏東新園過，不時閣有臭味，環保局也發警報通知民眾愛關門窗，莫出去外口。消防局表示，ﰀ趕到位的時，規个廠區已經燒甲袂收煞，隔壁的電子廠也緊急疏散員工，除了派出百外位的警義消搝水線拍火以外，也派出機器人入去火場濺水，先共火勢控制佇廠區的範圍，莫予湠出去。

高雄市消防局第三大隊副大隊長 洪聖儀
（消防)到現場已經全面火燒阮發現伊敢若是回收的聚苯乙烯發泡隔熱枋的加熱爐爆炸

高雄市長 陳其邁
住佇大寮風尾的民眾若是無代誌盡量會當共門窗關起來盡量減少出去外口

這場火災無人受困，干焦一名外籍移工跤受傷。因為廠區ﰈ著火的物件濟，消防局出動46台車、117位的警義消去拍火，猶是無法度完全控制火勢，另外環保局也隨時監測空氣品質，因為大火造成的烏煙實在傷驚人，已經對業者開單，會罰10萬至500萬元罰鍰。

記者 許嘉茹 邱紹揚 高雄報導