高雄在地的尚和歌仔戲劇團，今年成立滿29年，劇團最近共目蓮救母的古冊戲，重新改編，加入現代元素，變做歌仔戲音樂劇，咱做伙來看覓。（這條新聞標題、前言是臺語文。）
遮幾位演員手提著道具，穿插金閃閃，唱調攏佮傳統歌仔戲無啥仝款，嘛誠有氣勢，高雄在地的尚和歌仔戲劇團，今年這齣年度大戲，是共傳統木蓮救母故事，重新改編，添一點現代創新的元素，將歌仔戲結合音樂劇，予觀眾目睭看著佮耳孔聽著攏有無仝的享受。
尚和歌仔戲劇團團長梁越玲講，「對觀眾來講，這是一个新的試驗，雖然阮用的是目蓮救母老故事，毋過阮用新的概念，用現此時佮地獄，跨時空的做法呈現，所以我感覺對觀眾來講，恁等於是入來劇場，看一齣歌仔戲、看一齣音樂劇。」
高雄在地的尚和歌仔戲劇團今年滿29週年囉，這齣歌仔戲，除了保留傳統氣味，嘛特別將武戲佮歌唱到做伙底，配合時代腳步，將傳統歌仔戲創新改編，吸引少年人著歌仔戲有興趣
導演陳御弼：「觀眾嘛是干焦長輩，阮嘛希望少年輩，嘛會當入來看歌仔戲，現代歌仔戲到底會當變成按怎，因為每一種演出攏咧變化。」
這齣〈棲地木蓮 劫獄〉遮齣戲欲底16、17兩工開演，現代化歌仔戲，予這齣戲真有看頭，創新的表演，著是欲予傳統歌仔戲出路越來越闊。