張永祥得著金馬終身成就 牽手捐劇本傳承精神
林思皓 謝季潾／臺北報導
發布時間：
更新時間：
目次
舊年過身的編劇張永祥，得過五改金馬獎的最佳編劇，嘛是頭一个得著終身成就獎的編劇。為著傳承張永祥的創作精神，張永祥的夫人共伊的作品出版，捐予幾若間學校佮國家圖書館收藏。
舊年過身的編劇-張永祥，得過五改金馬獎的最佳編劇，嘛是頭一个得著終身成就獎的編劇。為著傳承張永祥的創作精神，張永祥的夫人共伊的作品出版，捐予幾若間學校佮國家圖書館收藏。
已故編劇張永祥（2016.11.26）表示：「我希望這个獎，以後嘛予遮的加發一寡仔，來肯定遮的電影幕後的工作者。」
望金馬獎重視幕後工作人員，去年過身的資深編劇張永祥，2016年得著金馬終身成就獎，成做頭一个得著終身成就獎的編劇。張永祥寫過160部劇本，包括飼鴨仔人家、秋決等等，嘛捌改編幾若部瓊瑤的小說，得著五改亞太影展佮五改金馬獎的最佳編劇獎。
中華民國電影事業發展基金會董事長朱延平表示：「張永祥先生了不起，伊會當寫秋決，這款遮爾史詩級的電影，嘛會當寫瓊瑤的小說，寫12部電影。」
國家影視聽中心董事長藍祖蔚表示：「伊應該是一个人一支筆，扛出臺灣電影的半壁江山
張永祥一世人為電影電視付出，伊的夫人特別將伊的四齣影劇：秋決、蕉園樂、和平旅社佮陋巷之春的劇本出版，捐予幾若間大學佮國家圖書館。
國家圖書館館長曾淑賢表示：「希望國家圖書館的典藏，予閣較濟人會使看著，毋管是研究者，或者是讀者，攏會使透過圖書館，來讀著遮的作品。」
國家圖書館表示，希望張永祥的作品成做少年電影人、電視人的教材，傳承臺灣影劇的精神。
專題｜改造地獄路 台灣行人路為何難行？
