金瓜石神社完成修復 規畫結合科技推動藝術季

舞蹈家展現優美的姿態，象徵今年的黃金盛典藝術祭咧欲開始。臺電公司佮建築師、舞團合作，希望透過新興的科技佮無仝款的藝術，予民眾看著昔日金瓜石神社的光景。

擴增實境AR業者宋恆表示，「會使佇AR的體驗中，去你慣勢用的社群平台，毋管透過翕相體驗，看著往過神社的狀態，嘛會使佇平台頂懸佮你的朋友分享。」

臺電這幾冬接管新北瑞芳的在地資產，2019年點光東北角海邊的十三層遺址，予黃金歲月再現。這改修復的金瓜石神社是臺灣歷史上第3座神社，經過五年的時間才完成修復。

古蹟修復建築師張興傑表示，「第一代的神社是石造的，阮嘛特別共伊留落來，算局部留落來。然後目前咱佇入口處，做一个現代的、仿的，咱叫做避雨亭。」

臺電公司和相關的廠商簽約，藝術祭按算佇今年九月中秋連假起鼓，藝術家攏表示真期待。