搶五倍券商機 新竹縣府.業者相爭推優待

振興五倍券10/8就欲開始使用,各縣市也攏用優待欲吸引民眾來消費。和觀眾朋友來去看覓,新竹縣有啥物優待。

北埔老街就算是假日,人客看起來嘛並過去減了誠濟,疫情衝擊各行各業,做生理的店頭,對後個月就欲啟用的五倍券充滿期待,縣市政府嘛希望用活動來吸引遊客,予觀光業會使趕緊恢復正常。

北埔商圈理事長彭美善表示:「五月的時陣逐家攏停業的狀態,七八月才開始慢慢恢復。毋過目前來講,景氣猶未恢復遮爾緊」

(and)新竹縣交旅處長游志祥指出:「提振興劵一千箍來新竹縣蹛一暝,阮就會使現場閣減六百箍,另外閣送六百箍消費券,予人客佇新竹縣,無論是遊樂區休閒農場商圈,只要有合作的店頭攏會使用」

飯店業者嘛配合活動,到十月底進前,只要平常時使用五倍劵來蹛飯店,買一瞑送一瞑,吸引民眾來新竹縣tshit迌。

飯店經理廖銘偉表示:「專案是3499起,蹛房會閣送平日的帶歇券一張,蹛一暝毋免閣另外加錢,閣會使有早頓買一送一的優惠」

看好五倍劵商機,各縣市攏推活動欲來搶觀光客,就是希望疫情轉和了後,會使順利振興經濟。

全台敬老金大調查

相關新聞