真理大學臺文館換鎖爭議 張良澤訴委屈

真理大學臺灣文學資料館,煏出共大門的鎖換掉,毋予管理資料館十外冬的,有濟濟心血攏囥佇內底的,教授張良澤入去,今仔日張教授參加一場學術研討會,面對媒體的採訪,表示明仔載會做一擺講予清楚。


真理大學台灣文學資料館的爭議事件,昨昏消息一傳出來,文學界誠濟人出面贊聲,張良澤10號出席中央大學的學術研討會,講著換鎖事件伊是感覺真委屈。
代先佇網路頂替張良澤出聲的鍾延威,研討會拄好佮張良澤仝場,面對媒體訪問,伊表示張良澤教授原本是一直阻擋伊公開這層代誌。
針對校方發表的聲明,張良澤教授的學生,嘛捌和老師做伙整理台文館資料的蔡承翰同學無法度認同。

真理大學校長陳奇銘昨昏落南,表示欲和張良澤教授面對面溝通,毋過佇北部有公開演講行程的張良澤講,攏無接著校方電話,針對這層事件的詳細交代,明仔載下晡兩點,會佇台南公開對說明,外界有任何問題伊嘛會做一擺回應。
 

全台敬老金大調查

相關新聞