八仙塵爆案頭例討賠償成功 判賠女傷者602萬

2015年，新北市八仙樂園內底發生塵爆。造成15人死亡，400外人著傷，其中有一个姓黃的傷者向主辦單位要求賠償，士林地方法院今仔日宣判，相關的公司佮人員愛賠伊602萬。

這个姓黃的女性，她的面、跤手有2度到3度的燒燙傷，無法度去食頭路，身心大受影響。她對八仙樂園、八仙樂園的董事、舉辦PARTY的業者，佮彼工負責掖粉的人提出告訴，一審判遮的人愛賠512萬元，加上3間公司，計共90萬的懲罰性違約金，所以攏總愛賠602萬予這个黃小姐。這嘛是八仙樂園頭一个予人判愛賠償的案件，全案猶會當上訴。