南投辦全國輕艇賽 選手宣傳水里溪好場地

南投的水里溪是一個真好的體育運動場所,溪流是會當做啥物運動的場所?就是輕艇運動。佇遮也捌舉辦過全國比賽。

溪水真掣流,輕艇選手盡力划,順比賽的標竿指示,連鞭斡頭轉斡、連鞭大力划向前,這裡是南投水里溪,全國輕艇激流對抗賽會選在這裡舉行,就是因為臺灣各地選手、奧運國手,都覺得這個場地非常棒。

南投水里溪的溪水清、水閣大港掣流,真適合輕艇選手訓練。今年世界各國受武漢肺炎疫情影響,取消濟濟運動比賽。輕艇協會特別舉辦全國輕艇激流對抗賽,予選手自我挑戰,也會當重新揣著比賽的感覺。
水里溪天然的環境,閣有臺電配合卸水增加難度,予水里溪成做輕艇運動訓練佮比賽上讚的地點,國訓中心也有意向佇遮設培訓中心,共水里打造做輕艇運動以及水上救難訓練的國家訓練基地。

全台敬老金大調查

相關新聞