上大型國家海洋研究船 "新海研一號"交船
發布時間：
更新時間：
科技部有撥出16億，生產三隻國家專用的海洋研究船。新海研二號、三號這兩隻，舊年尾就交船矣，早起，上蓋大隻的新海研一號也來驗收，蔡英文總統親身參加搩破酒矸，祈求行船平安的典禮。此去這隻船就交代台灣大學管理，主要的任務是收集氣象和大海的資料。
科技部佇咧公元2018年，投入16億的經費，舊年十一月，兩隻8百噸這坎的新船交船，上蓋大隻的新海研一號，船身有66公尺長，重量2155噸，因為武漢肺炎咧湠的緣故，才會延到這陣才驗收。新海研一號也是三隻船中間，唯一一隻有安氣象塔，通好即時共收集起來的氣象資料，傳轉去中央氣象局的船隻。本底按算年尾，這隻船就會去關島執行任務，毋過因為傳染症未收煞，當時才會出港，今是猶未決定。
記者 曹晏郡 彭耀祖 SNG 基隆報導
科技部佇咧公元2018年，投入16億的經費，舊年十一月，兩隻8百噸這坎的新船交船，上蓋大隻的新海研一號，船身有66公尺長，重量2155噸，因為武漢肺炎咧湠的緣故，才會延到這陣才驗收。新海研一號也是三隻船中間，唯一一隻有安氣象塔，通好即時共收集起來的氣象資料，傳轉去中央氣象局的船隻。本底按算年尾，這隻船就會去關島執行任務，毋過因為傳染症未收煞，當時才會出港，今是猶未決定。
記者 曹晏郡 彭耀祖 SNG 基隆報導
