臺農16號王梨甜蜜蜜 小可轉黃就通食

王梨大出，食王梨當著時，臺南山頂種的「台農16號鳳梨」，上特別的是，王梨皮小可仔變黃就算夠分，會當食矣。


雖罔市面上較捷看著金鑽王梨，毋過臺南山上區出產的台農16號甜蜜蜜王梨也袂輸人。上蓋特別的是，甜蜜蜜王梨小可變黃就通食。

人講「王梨頭，西瓜尾」，食王梨毋但愛趁著時，閣愛食王梨頭較甜。啊人客若欲選家己愛食的王梨，建議用手擉一下，用聲音來判斷就知。

水份濟的甜蜜蜜王梨，肉幼、芳甜、氣味閣好，食起來酸甜仔酸甜。而且王梨有含豐富的醣類、維生素、膳食纖維和王梨酵素，佇熱天食毋但退火，閣通促進胃腸的消化。