臺灣醫療團隊證明 漢醫治武漢肺炎成效好
發布時間：
更新時間：
「武漢肺炎」湠全世界，目前所知，這款「新型的冠狀病毒」毋但穢人，閣極加會變種。比較SARS、MERS遮的症頭，嚴重性是加真強，今毋但用西藥有應效，咱國家中醫藥研究所的所長嘛指出講，漢醫佇咧臨床治療方面，也已經有真顯明的效果咧發揮。
國家中醫藥研究所這爿分析講，大多數的病人經過漢醫配合西藥治療，發燒的症頭有較減，心臟咧跳的速度，閣有血壓遮的變化也攏穩定，平均扯10工內，就會當通過「三擺」驗無病毒，平安出院。啊用中藥參加治療，也會當避免已經復原的患者，症頭重新閣再夯的情形。另外，中藥的成份對封鎖病毒、壓制患者體內抵抗的免疫系統失去控制，攏有真好的作用。
