金牌製作人柯智豪 做流行.傳統音樂齊出名
發布時間：
更新時間：
柯智豪佇音樂界真出名。真濟歌手攏指名揣伊做音樂製作人。究竟有啥物款的才調，受著眾人的歡迎，咱做伙來看伊的故事。
金牌音樂製作人柯智豪，親身指導新歌手，按怎唱較有氣口。
看重少年音樂人的特點色，用少年人的想法佮氣口，結合傳統樂器，唱出無仝款的臺語流行音樂。
除了流行音樂，柯智豪音樂路的所有製作方方面面，攏真齊勻，過去嘛捌做過電影配樂紅盒子 血觀音甚至總統府音樂會，世大運開幕式，就連東京奧運，攏有柯智豪的作品。
柯智豪音樂行踏的路，得過獎嘛袂少，傳統佮現代音樂對話，佇柯智豪身上，看著上好的實踐。
記者 綜合報導
