歸仁雙屍案 謝志宏死刑定案.再審判無罪

公元2000年6月24,臺南歸仁一个女性,予人強占身軀閣殺害,連借路經過,親目睭看見案件發生的過路人也無命,牽涉著這層兇殺案的被告謝志宏,本底已經判決死刑定案。兩冬前,檢察官調查,認為講無影有證據通證明伊殺死人,申請重新審理。早起,高等法院臺南分院宣判,謝志宏無罪。

謝志宏的老母,早起也陪伴伊出庭,閣感謝律師團,佮社會各界的協助。這層發生到今將近20冬的兇殺案,謝志宏本底予人認定是共犯,經過往過一審、二審,計共有9擺攏判死罪,8冬前死刑定案,尾手是檢察官申請重新審理,早起,高等法院的判決書表示講,謝志宏佇咧警察局內底兩擺「自白」的證詞,袂當當做證據,啊另外一个被告郭俊偉,指控伊殺人,也是前言不對後語,綜合種種的事證,決定宣判謝志宏無罪。

相關新聞

專題|全台敬老金大調查