顏清標今仔日進行換肝手術 顏寬恆證實

大甲鎮瀾宮董事長顏清標，有風聲講，伊當咧高雄長庚進行換肝的手術，雖然病院無對外證實，毋過顏清標的查某囝，也就是現任臺中市議會副議長顏莉敏、前立委顏寬恆，做伙發出聲明，證實顏清標當咧蹛院休養。

顏清標的後生、查某囝，透過服務處發出聲明，講因為疫情佮遶境的代誌四界奔波，趁這个機會調養身體。顏清標這回是5/11入院做換肝的手術，是第二个後生捐肝予伊。