2014年，高雄發生埋佇咧塗跤底的瓦斯爆炸，致使32个民眾死亡、3百外个人著傷，進前一審是判決市政府，和廠商「李長榮化工公司」攏有罪，其中有12个人著愛落獄，上重是判甲4年10個月。早起二審宣判，法官認定講，這條案是因為公共工程的品質bái，才會發生，換判廠商無罪，抑當時市政府的官員，上重是有判甲3年6個月。


二審的法官，認定「李長榮化工公司」無罪的原因是講，既然瓦斯管若甲會漏，爆炸是緊縒慢的問題，廠商無法度去改變啥物，也無抵擋瓦斯洩漏的辦法，毋才會換判決廠商無罪。


王介村 陳顯坤 高雄報導