通姦除罪化釋憲案 今進行言詞辯論
發布時間：
更新時間：
已經娶親的人，若是和人通姦，敢通用「刑法」落去辦？抑是用民事，賠償佇婚姻中間受著損害的對象就好？憲法法庭，早起開庭辯論。贊成這爿，是主張講，目前通姦罪的規定，是侵犯著憲法內底「隱私權」佮「婚姻自由權」。毋過也有法官講，就算用著刑法的約束撤掉，嘛著愛設法，予遐的金錢地位攏輸對方，這種較弱勢的元配，另外有保障。
==勵馨基金會前執行長 紀惠容==
通姦罪 它通常會讓這個
我們說的權勢性侵 安全下莊
其實已經有很多案例
包括1994年師大一個教授性侵學生
可是他後來因為配偶告這位學生
所以他就安全下莊了
==前最高法院法官 許幸惠==
年輕一輩的 好像是把性自由
通姦這件事情抽離了
我們一般社會認知的
婚姻跟家庭的重要
其實是有結婚
你才會碰到通姦罪
因為那個是婚外的不軌 外遇
女性團體的代表紀惠容女士是說明講，目前遐的去草踏人的犯案者，in元配妻攏閣有法度掠這條「通姦罪」，去告被害人，這根本都違背國際人權公約，亞洲這爿，也已經有真濟國家，通姦攏無閣用刑法落去辦囉，閣再講，真濟為著欲收集對方通姦的證據，煞顛倒去食官司，所致望講將刑法第239條廢掉，換用民事訴訟，要求賠償的辦法落去約束。毋過捌做過最高法院法官的許幸惠是表示反對，許法官認為「通姦罪」影響的方面真闊，毋是干焦咧探討個人的婚姻敢有美滿爾，另外嘛有真濟國家，攏猶咧運用這款法律，若欲改，上好是經過國會立法，抑是公民投票較合台。抑這條解說憲法的案件，按算5月底，大法官就會判斷結果。
記者 李亭 張育睿 台北報導
