臺中霧峰鬧熱挽菜頭 親子相ﰓ祈求好彩頭
發布時間：
更新時間：
臺中霧峰的萬豐里，頂日仔舉辦「挽菜頭」的活動，有誠濟做人爸母的嘛專工tshuā囡仔去參加，現場閣有咧教人做菜頭粿，就是望欲予民眾新年來，家己挽菜頭、做粿食菜頭，嘛通有好彩頭。
一片青見見的田邊仔，有誠濟人排隊佇遐等，原來逐家是欲來挽菜頭，大人囡仔佇田lin興tshih tshih欲揣大條閣媠的菜頭，通好轉去加菜。
==民眾==
很不錯啊 蠻熱鬧的
==萬豐里長 林麗真==
請我們這裡的志工還有鄉親
共同來體驗農村
帶小孩來拔蘿蔔的樂趣
里長林麗真表示，台中霧峰萬豐里是鄉村型的社區，這寡菜頭是農民趁稻仔休耕的時陣種的，等甲會當收成的時，就會當予社區的居民利用挽菜頭、來活動交流。除了挽菜頭以外，社區媽媽嘛佇現場教做菜頭粿，邀請民眾做伙對浸米、煮菜頭絲一步一步來。在煮的過程中，閣愛一直抐。菜頭粿才會哪來哪khiū。雖然程序真複雜，煞是傳統的好滋味。
==社區媽媽==
研磨米漿
蘿蔔刨好的時候就下去煮
煮一煮就要下去泡米漿
蒸的時候還要稍微攪拌一下
蘿蔔糕才會Q
因為食菜頭代表欲討個好彩頭，而且閣是用家己對田lin挽起來的菜頭，閣較有意義，向望家家戶戶攏會當佇新的一年有一个好彩頭。
記者 綜合報導
