阿羅哈反車意外 司機疲勞駛車予人起訴

阿羅哈客運的巴士，今年6月佇國道一號落南205公里發生反車的意外，造成3人死亡13人受傷，檢方調查發現，姓郭的司機佇咧發生車禍的前一工，無睏拚暝工咧處理私人的代誌，煞害伊駛車的時陣精神無好，強欲啄龜，檢方依照過失致死罪共起訴。

==彰化地檢署襄閱主任檢察官 葉建成==
檢察官於近日偵查終結
針對阿囉哈公司郭姓駕駛
以涉嫌違反刑法276條
過失致死提起公訴


彰化地檢署表示，檢察官去到現場看，閣有巴士車內的監視器畫面，另外也有權問駕駛佮車頂乘客，佇意外發生進前，巴士有對車道中央，偏去外線的情形，車內的監視器也有翕著，佇意外發生進前，姓郭的司機，有幾落擺，攏忝佮共目睭瞌起來，司機也承認，前一工攏無睏，拚暝工咧處理私人的代誌，才會害著伊出現【疲勞駕駛】的情形。雖然阿囉哈客運公司，有符合工作時間的規定，毋過佇法律頂頭，也是愛負、連帶賠償7責任。


綜合報導