MLB世界賽關鍵第7戰 國民隊贏太空人


2019年美國職業棒球大聯盟MLB世界大賽,今仔日是決戰第7場,國民隊以6比2,拚倒太空人隊,倒頭贏,得著有史以來頭一座世界大賽的冠軍。國民隊嘛是目前,四場勝利,攏全是佇咧客場拚贏的冠軍隊。



佇咧這場第七戰的比賽內底,休士頓太空人隊前六局雖然有贏,最後煞去予華盛頓國民隊,用兩支全壘打,佇咧第七局拚翻頭,終其尾國民隊是以六比二,搩倒太空人隊,提著這隊成立51冬來,第一座,也是華盛頓這州,過去86冬來,第一座世界大賽的冠軍。國民隊的先發投手「天才」史特拉.斯堡(Stephen Strasburg),嘛提著這回世界大賽的MVP,上有價值的球員。



 

相關新聞

專題|全台敬老金大調查