花蓮上繁華的金三角商圈 過晝起火燒
發布時間：
更新時間：
花蓮市上繁華的金三角商圈，下晡3點外發生火災，因為現場有真濟間柴起的厝，造成至少6、7間建築物予火燒去，一直到暗頭仔6點，火猶繼續咧湠，消防人員拚勢用水欲控制火勢。
國慶連假第3工，花蓮市金三角商圈佇下晡發生火災，火是燒真猛閣湠真緊，已經燒3點鐘啊!這火是對公園路燒去後壁的中山路，消防局出動31台車、67人去灌救，佳哉無人傷亡。有人講，著火點若像是公園路一間已經無咧營業的服裝店，毋過，火燒詳細的原因猶閣愛等火拍化，才會使進一步鑑定。
花蓮 溫嘉楷報導
823公投》重啟核三，你怎麼看？
