#崩山湖
-
萬里溪崩山湖水位超過壩頂 上緊下暗溢流
|萬里溪崩山湖，水位持續夯懸，猶是維持紅色警戒，到下晡3點，水位干焦賰6公分就會滇，目前已經超過壩頂。中央災害應變中心講，若發生溢流，或者是崩岸，影響範圍猶是會佇溪流的水路內底。(這條新聞標題、內容是台文)
-
巴威變強烈風颱 氣象署後禮拜四可能發警報
|強烈風颱巴威，目前佇鵝鑾鼻東南東爿，3千外公里的海面，氣象署講，巴威猶繼續增強，預估後禮拜四會來到台灣東南爿，了後轉斡上北，時到可能發佈風颱警報。花蓮萬里溪崩山湖勘查的人員，嘛因為颱風倚近，今仔日提早落山。(這條新聞標題、內容是台文)
-
萬里溪崩山湖紅色警戒 花蓮6村里停班停課
|花蓮萬里溪崩山湖，昨昏欲暗仔，才解除黃色警戒，因為透暝落雨，透早閣發佈黃色警戒，萬榮鄉、鳳林鎮，隨預防性撤離。到中晝12點，進一步宣佈升做紅色警戒，也就是24點鐘內可能有溢流風險，已經強制共所有的保全戶疏開，在地嘛有6个村里過晝停班停課。(這條新聞標題、內容是台文)
