此網頁已閒置超過5分鐘，請點透明黑底或右上×按鈕繼續閱讀
新北捷運安坑輕便鐵路，經過7年的工程，今仔日開始試營運，這條路線全長7.5公里，有9个車站，提供文山、新店地區的民眾大眾運輸服務。民眾佇十四張站就會使盤捷運環狀線入去臺北市區。
選舉欲到，國內多个縣市攏有查著現金賄選，一票上懸到一萬，佇新北市瑞芳，閣有里長候選人，涉嫌用高粱酒來共選民烏西，予檢方提起公訴。另外，警方也有追查地下選舉筊，目前已經掠著41件，77人。
新北市長選舉公辦政見發表會，在今（14）日上午9時30分登場，由於本屆只有兩名候選人，因此由新北市長侯友宜和民進黨籍候選人林佳龍採辯論形式進行，對於林佳龍猛轟侯友宜不敢承諾做滿4年，侯友宜沒有正面回應，他只細數政績，強調一生走來不忘初心。
南韓梨泰院踏死人意外，就有醫生認為，若發生這款相挨的情形，愛保護胸坎、爭取會當喘氣的空間。也有專家呼籲大型現場，電話訊號一定䆀，愛加強無線通訊系統，現場愛也有急救的技術員巡邏、待命，避免意外發生。
基隆當列欠水，特別是信義區、中正區較嚴重。基隆市長林右昌今仔日，有去水頭了解情形，也有去社區視察。毋過欠水欠幾若工，民眾攏咧埋怨，自來水公司也趕緊派水車，來服務民眾。
來看臺北市長選戰，行政院長蘇貞昌呵咾民進黨參選人陳時中，中晝歇睏時間閣愛開記者會，誠辛苦。國民黨參選人蔣萬安批評這款講法，根本袂當體會民眾的生活壓力。另外，陳時中公佈競選團隊，欲揣林昶佐、范雲加入。毋過范雲進前牽涉檢疫3+11的爭議，抑若林昶佐是差一點仔予人罷免，黃珊珊表示，過去的代誌，市民攏看在眼內。
衛福部長陳時中準備欲落任，代表民進黨選臺北市長。陳時中認為，臺北的發展煞恬去，是誠毋甘。國民黨的臺北市長參選人蔣萬安也認同講法，毋過副市長黃珊珊煞回應講，予人民咧藥局排隊買喙罨、搶疫苗、搶快篩試劑，才是毋甘。另外，新北部分，林佳龍佮侯友宜，因為林口交流道的議題，有無仝的看法。
指揮中心針對新北市政府交出來的恩恩案報告，今仔日有提出疑問。包含新北市府敢著愛經過衛生局評估同意，才會當派救護車。毋過消防局煞咧恩恩嚴格的時，聯絡衛生局幾偌改，而且衛生局佮消防局無專線咧接接。新北市府是無承認，這報告有無周至的部分，毋過新北也有要求指揮中心著愛公佈1922聯絡的過程。
今仔日本土加50643例，死亡個案加163例，今年也已經累積3318人染病死。疫情上嚴重的新北，最近確診數也減少，市長侯友宜認為，疫情有咧轉和。抑若高雄，也減少到七千外例，市長陳其邁表示，是因為拄著歇假、通報慢，確診數字無準。毋過伊他也預估，後禮拜疫情的狀況會閣愈好。
今仔日本土病例又閣超過一百例，來到160例，帶病入境也有244例。其中桃園跳舞老師群聚案，基因定序確定和桃園大潭電廠相仝，兩案可能有關聯。另外，國內也出現頭一例「XE」變種，病毒量真懸，毋過無症頭。指揮中心講，這个變種的資料真少，會按怎變化閣著觀察。
