朱宗慶辦囡仔音樂會 太空主題鼓勵勇敢追夢

長期推動打擊音樂和藝術教育的朱宗慶打擊樂團,逐年歇熱攏會辦囡仔音樂會。今年是第35年辦,特別以木琴和太空做主題,鼓勵囡仔佇音樂世界,勇敢走揣、莫放棄,追求家己的夢想。

響亮的木琴聲,音階層次足分明的,結合各種打擊演奏,和古錐的豆莢仔囝,欲☒逐家,進入魔幻的星球世界!
長期推動打擊樂和藝術素養的朱宗慶打擊樂團,今年第35年辦囡仔音樂會,鎖定3歲至10歲的小朋友,以太空為主題,欲tshua7囡仔佇melody內底,勇敢探險。

朱宗慶打擊樂團創辦人暨藝術總監 朱宗慶表示:「一百分鐘伊無可能坐的牢,所以聽音樂三分之一,另外三分之一用講故事的方式,予in了解音樂,了解一寡故事」

擔任這改編劇、主題曲、帶動曲重擔的是,曾著過比利時國際木琴大賽首獎,今年才30的高瀚諺,伊希望分享伊的木琴音樂路,鼓勵囡仔堅持、莫放棄、也傳達音樂的四大要素。

朱宗慶打擊樂團團員 高瀚諺表示:「共這寡困難的詞變較簡單,囥佇這改的主題內底,比如講旋律 melody,華語就共伊叫做美樂弟,小朋友若像無形中就了解,這寡音樂的概念」

將組成音樂的四大要素比喻做團體生活的多元、五彩,朱宗慶樂團和囡仔兄囡仔姐一年一改的熱天約會,新奇、迷幻、獨一無二。

全台敬老金大調查