萬華剝皮寮實境冒險遊戲 ﰓ民眾認捌在地歷史
發布時間：
更新時間：
艋舺剝皮寮因為真倚大稻埕，過去商業活動真交易，有茶米、木材等等民生用品咧買賣，為著欲予囡仔閣較了解地方文史，剝皮寮歷史街區、逐年攏會舉辦拍通關活動，那☒迌那熟似剝皮寮。
大人囡仔做伙扮演店頭家，演出當年剝皮寮鬧熱買賣的情境。
這間日祥旅社，是當年的商業旅社，也就是販仔間，當年南北二路來艋舺做生理的生理人，大部分攏是蹛遮，今也透過展覽紹介往過的歷史。
剝皮寮歷史街區經理 唐乙鑫表示：「咱剝皮寮每一年攏會辦夏樂慶，今年是城西夏樂慶，阮會舉辦真濟親子相關的活動，包含咱這改用手機仔做闖關的遊戲，結合這陣少年人的興趣，因為少年人佮意冒險，阮就設計冒險的遊戲」
除了有冒險遊戲、環境劇場的互動以外，因為艋舺有出名的青山宮遊境，也特別邀請畫面師傅，予民眾體驗臺灣的傳統文化
參加的民眾講：「進前囡仔對臉譜就足有興趣，伊有時陣佇厝內會攑畫筆家己畫，人體彩繪嘛足特別，就予囡仔體驗看覓」
剝皮寮歷史街區逐年攏會舉辦體驗活動，今年也結合手機仔，予民眾隨時來攏通網路連線聽導覽，相關活動會辦到4月24，欲邀請民眾做伙走揣剝皮寮的歷史，體驗艋舺人的生活。
