屏東"步月火燒"繪本.音樂劇 說六堆義勇軍故事

六堆三百年，屏東縣府推出這本步月火燒繪本，主要是講1895年六堆義勇軍佮各族群，做伙對抗日本軍，佇步月樓佮火燒庄這兩場戰役的故事，用水墨畫的風格，描寫這段客家庄重要的歷史。作者屏東大學教授施百俊指出，這毋但是客家人的過去，對當時台灣這塊土地的其他族群，嘛誠有意義。

繪本作者 施百俊：「這馬的屏東人林少貓，佮今仔步月火燒、六堆客家佮原住民佮原住民，聯合起來對抗日本人，這是唯一台灣史上上大，第一遍的大團結」。


步月火燒的歷史，這馬嘛改編做大戲，由明華園總團策劃，主要的演員佇見面會，用無仝的語言民眾拍招呼，因為這齣大戲是用迒界音樂劇來展現無仝族群的故事，所以毋但有客語、嘛有台語、排灣族語言，逐家做伙守護這塊土地。

明華園當家小生 孫翠鳳：「阮現場除了舞台、主舞台，阮現場除了舞台、主舞台，攏是阮的表演場地，現場愛佈搭三萬株菅芒花，共現場佈搭起來，還原當時的歷史」。

孫翠鳳嘛表示，這齣戲in已經準備兩冬，26就欲演出，兩萬兩千个觀眾的戶外演出，嘛是誠大的考驗。