排練場火燒閣搪著疫情 優人神鼓新作有創新

出名的劇團-優人神鼓,最近這兩冬搪著排練場火燒,加上疫情的影響,當咧轉型,最近𪜶共表演翕做影像,推出新作品,𤆬觀眾來體會山林的力量。

透過撒奇萊雅族祭師的請神儀式,結合鼓聲佮表演,優人神鼓推出新作品《亙古以來》。這也是優人創團30幾冬來頭改用翕影像的方式呈現。創辦人劉若瑀擔任總導演而且演出貫穿戲劇的現代人角色,予觀眾感受佮天、地對話的祈福儀式,行入自然佮神的世界。

優人藝術總監,黃誌群表示:「看這个影像的時陣,伊是連貫性的,就親像阮是身處劇場,咧看一个表演的感覺仝款,因為疫情的關係,表演藝術團體加了創作的可能性,所以我感覺未來這兩種攏會做。」

導演 黃懷槿表示:「我感覺長鏡頭,一的畫面翕到底的手法,伊其實是某一種,影像佮劇場之間,淡薄仔倚劇場,阮是一个無折站的,來看著一个過程。」

因為疫情,藝術表演型態改變,優人神鼓也趁這回共劇場的模式改佇線頂,這改場景選佇金瓜石的山壁之間,用一个鏡頭翕到底的手法,希望佇疫情影響下,予觀眾踮厝內也會當體會看戲的氣氛佮正面的力量。

全台敬老金大調查

相關新聞