清大頒發名譽經濟博士學位 彭淮南:感覺光榮
發布時間：
更新時間：
清華大學今仔日頒發、名譽u經濟學、博士學位，予前中央銀行總裁-彭Phênn淮南，感謝伊對台灣經濟的貢獻，這嘛是清華大學自1996年起，第39位名譽u博士。彭Phênn淮南表示，會使佇家己的故鄉-新竹得到肯定，對伊來講是真大的光榮。
自清華大學校長手中，接過名譽經濟學博士證書，中央銀行前總裁彭淮南講感覺真光榮，回顧過去彭總裁帶領台灣，度過世界性的金融風暴以及歐洲債務危機。
清華大學校長賀陳弘：「彭總裁逐家攏知影，穩定物價穩定金融，創造好的就業條件，遮的毋是一般人做會到，遮爾傳奇，其實是中華民國寫落來，一頁真僫突破的歷史。」
彭總裁嘛講其實伊到這馬仝款真關心經濟問題，想欲共上好的政策分析出來，因為這是伊一生的志業。針對最近國際疫情閣再升溫，嘛提出看法。
前央行總裁彭淮南：「應該愛共疫苗的專利權釋放出來，先進國家毋通採取疫苗的民族主義，共遮的疫苗分予開發中國家，若是開發中國家，逐家會使控制疫情，對先進國家有幫助，毋通獨善其身，因為咱是地球村，所以希望疫情會使趕緊控制。」
彭淮南1971年進入中央銀行，一直做到2018年退休，總共43冬閣9個月，對台灣經濟發展佮穩定的貢獻，受著各界肯定。
自清華大學校長手中，接過名譽經濟學博士證書，中央銀行前總裁彭淮南講感覺真光榮，回顧過去彭總裁帶領台灣，度過世界性的金融風暴以及歐洲債務危機。
清華大學校長賀陳弘：「彭總裁逐家攏知影，穩定物價穩定金融，創造好的就業條件，遮的毋是一般人做會到，遮爾傳奇，其實是中華民國寫落來，一頁真僫突破的歷史。」
彭總裁嘛講其實伊到這馬仝款真關心經濟問題，想欲共上好的政策分析出來，因為這是伊一生的志業。針對最近國際疫情閣再升溫，嘛提出看法。
前央行總裁彭淮南：「應該愛共疫苗的專利權釋放出來，先進國家毋通採取疫苗的民族主義，共遮的疫苗分予開發中國家，若是開發中國家，逐家會使控制疫情，對先進國家有幫助，毋通獨善其身，因為咱是地球村，所以希望疫情會使趕緊控制。」
彭淮南1971年進入中央銀行，一直做到2018年退休，總共43冬閣9個月，對台灣經濟發展佮穩定的貢獻，受著各界肯定。
