海邊植物做主題 黃徙出版臺語詩集展鄉土情懷
發布時間:
更新時間:
臺南詩人黃徙,本底是用華語創作,六冬前改寫臺語詩。伊長久以來觀察臺灣紅樹林佮海邊植物,共寫入去詩句內底,出版一本以海邊植物做主題的臺語詩集,充滿對臺灣這塊土地的記持佮感情。
坐船遊台江四草的綠色磅空,黃徙對雙爿的紅樹林足了解,遮是伊的故鄉,故鄉的美景攏是詩。
66歲的黃徙,軍人退休了後,捌做過四草大眾廟等等四間廟寺的主管,伊笑講家己是廟公,伊真關心台江生態,投入文史調查,以前創作攏是用華語寫的,毋過六冬前伊佮牽手佇故鄉經營民宿,就開始改寫台語詩,伊會共詩文作品貼佇厝壁。
除了海茄苳,黃徙共台灣5種紅樹林,閣有濟濟海邊的植物,寫入來這本"迷魂芳"詩集內底。
對黃徙來講,台灣這塊土地的一切,攏是詩的靈魂,植物寫了,伊閣寫台灣地理人文,紲落來閣有野鳥,伊向望會當寫出閣較濟,有感情有靈魂的作品。
坐船遊台江四草的綠色磅空,黃徙對雙爿的紅樹林足了解,遮是伊的故鄉,故鄉的美景攏是詩。
66歲的黃徙,軍人退休了後,捌做過四草大眾廟等等四間廟寺的主管,伊笑講家己是廟公,伊真關心台江生態,投入文史調查,以前創作攏是用華語寫的,毋過六冬前伊佮牽手佇故鄉經營民宿,就開始改寫台語詩,伊會共詩文作品貼佇厝壁。
除了海茄苳,黃徙共台灣5種紅樹林,閣有濟濟海邊的植物,寫入來這本"迷魂芳"詩集內底。
對黃徙來講,台灣這塊土地的一切,攏是詩的靈魂,植物寫了,伊閣寫台灣地理人文,紲落來閣有野鳥,伊向望會當寫出閣較濟,有感情有靈魂的作品。
