"霧社櫻王"大開獻嬌媚 未來1禮拜賞花好時機

佇觀霧國家森林遊樂區內底，有一欉80外年的櫻花樹，逐家攏共號做「霧社櫻王」，今年受著寒流影響，花期比往過慢一禮拜才開，咱來去看這欉美麗的櫻花樹。

這欉80外冬的櫻花樹，懸14公尺，因為遮爾大欉的櫻花樹真罕得見，外號霧社櫻王，逐年攏吸引真濟民眾上山翕相，無論平常時抑是假日，攏是人滿四山。

霧社櫻是台灣特有的原生種，上早是佇霧社予人發現，所以以「霧社」號名，因為花葉是白色的，落落來的時陣，若親像落雪仝款。

目前霧社櫻王花蕊當開，花期差不多閣賰一禮拜左右，民眾想欲來看著愛把握時間。