濟濟台灣學生團體佮佇台灣的香港籍學生，做伙佇立法院頭前，聲援1號予香港國安處以顛覆國家政權罪起訴出庭的47位民主派人士。in嘛針對最近香港中文大學學生會幹部總辭的代誌，譴責中文大學介入學生會。
現場的香港籍學生也批評香港中文大學放棄學者的專業佮尊嚴，毀掉學生自治的機構，用民主寒冬來形容香港這馬的狀況。學生團體閣較提出三點訴求，希望匯集海外的力量救香港。
聲援者除了希望立法院趕緊修法，也希望政府提供流亡者入境的庇護，閣較會使擴大對香港學生紲落來的入學佮轉學管道，避免in受中國壓迫無法度繼續讀冊，教育部是回應，因應香港情勢，進前就推動兩擺相關入學轉學的辦法，目前也咧辦理秋季班的招生，有意願的學生攏歡迎報名。
