香港泛民派47人送審 臺港學生籲修法助流亡者 | 公視新聞網 PNN

香港泛民派47人送審 臺港學生籲修法助流亡者

香港47位民主派人士,舊年參加立法會初選,予香港政府指控違反國安法的「顛覆國家政權罪」,目前愛面對司法的審判。咱臺灣這爿,有學生團體佮在臺香港學生做伙開記者會,要求中央增加香港學生轉學、庇護的管道。

濟濟台灣學生團體佮佇台灣的香港籍學生,做伙佇立法院頭前,聲援1號予香港國安處以顛覆國家政權罪起訴出庭的47位民主派人士。in嘛針對最近香港中文大學學生會幹部總辭的代誌,譴責中文大學介入學生會。

現場的香港籍學生也批評香港中文大學放棄學者的專業佮尊嚴,毀掉學生自治的機構,用民主寒冬來形容香港這馬的狀況。學生團體閣較提出三點訴求,希望匯集海外的力量救香港。

聲援者除了希望立法院趕緊修法,也希望政府提供流亡者入境的庇護,閣較會使擴大對香港學生紲落來的入學佮轉學管道,避免in受中國壓迫無法度繼續讀冊,教育部是回應,因應香港情勢,進前就推動兩擺相關入學轉學的辦法,目前也咧辦理秋季班的招生,有意願的學生攏歡迎報名。

相關新聞

留言區