嘉義縣第1座斜張橋蒜頭大橋 今日正式通車

嘉義縣接朴子市和六跤鄉的蒜頭大橋，通車35冬，不過因為橋的闊度和懸度，已經無合現此時的需求，嘉義縣政府進前向中央爭取經費，拍算起嘉義縣第一座由濟濟橋塔和鋼索起起來的斜張橋，今仔日正式通車。

假日早時仔，嘉義縣朴子市佮邊仔六腳鄉的民眾，逐家攏peh起去這座新的蒜頭大橋頂，迎接新橋正式通車。

蒜頭大橋的舊橋，通車已經35冬，而且只有8.3公尺闊，無法度應付現此時的交通需求。新完工的蒜頭大橋毋但拓寬至18公尺，嘛是嘉義縣第一條斜張橋，頂一站仔，閣有攝影師用空翕機，翕著真媠的畫面

這條橋的建設經費總共9億3千外萬。逐日暗時閣會有無仝色彩的電火光雕，希望除了改善交通，閣會當配合附近故宮南院、蒜頭糖廠成做一个新的觀光景點。