記錄片"老鷹之手" 看見嘉義蓮藕產業衰微
發布時間：
更新時間：
嘉義民雄的牛斗山，是80年代台灣種蓮藕的大產地，毋過產業落坐，這馬今干焦賰五、六十歲以上的老大人咧種。導演賴麗君用三年，拍一部記錄片「老鷹之手」，記錄這寡因為挖蓮藕，指頭仔攏挖甲變形的作穡人，生活的故事。
嘉義縣民雄鄉的牛斗山，農民向腰佇田內底作穡。遮是較早台灣蓮藕種上濟的所在，種作面積有一百外甲，彼个時陣挖蓮藕就是庄仔內趁食的穡頭。
記錄片「老鷹之手」，就是咧講種蓮藕的農民佇遮的過去佮這馬發生的代誌，導演希望透過影片予逐家瞭解庄內目前的狀況。
村長表示，愛播蓮藕的農民攏是會曉挖，才敢來播蓮藕，因為實在是倩無工，所以到這陣桃園、苗粟較晏收的蓮藕，嘛是庄仔內的人上北去鬥收。
為欲翕這支記錄片，導演開三冬的時間，詳細記錄這个所在。製作團隊表示，這一雙一雙若鴟鴞的手，背後有偌辛苦，一般人無法度想像。記錄的工課，難度嘛加較懸。
導演表示，一支鐵撬來挖蓮藕三冬就會歹去，農民的雙手煞用了40冬，這是台灣真實的歷史，應該愛予人來了解。農民嘛講，這馬已經有高壓水銃遮的家私鬥相共，雙手的負擔已經無遐爾仔重矣，毋過嘛是希望逐家會用知影種蓮藕的艱苦，多多來支持。
嘉義縣民雄鄉的牛斗山，農民向腰佇田內底作穡。遮是較早台灣蓮藕種上濟的所在，種作面積有一百外甲，彼个時陣挖蓮藕就是庄仔內趁食的穡頭。
記錄片「老鷹之手」，就是咧講種蓮藕的農民佇遮的過去佮這馬發生的代誌，導演希望透過影片予逐家瞭解庄內目前的狀況。
村長表示，愛播蓮藕的農民攏是會曉挖，才敢來播蓮藕，因為實在是倩無工，所以到這陣桃園、苗粟較晏收的蓮藕，嘛是庄仔內的人上北去鬥收。
為欲翕這支記錄片，導演開三冬的時間，詳細記錄這个所在。製作團隊表示，這一雙一雙若鴟鴞的手，背後有偌辛苦，一般人無法度想像。記錄的工課，難度嘛加較懸。
導演表示，一支鐵撬來挖蓮藕三冬就會歹去，農民的雙手煞用了40冬，這是台灣真實的歷史，應該愛予人來了解。農民嘛講，這馬已經有高壓水銃遮的家私鬥相共，雙手的負擔已經無遐爾仔重矣，毋過嘛是希望逐家會用知影種蓮藕的艱苦，多多來支持。
