奉茶APP止喙焦 政府.民間數位科技新合作

佇古早，驚出外人地頭生疏，天煎下逼的時，喙礁喉闊。佇路邊攏也囥一鈷茶水，頂頭寫"奉茶"。進也有企業佮公家機關合作，開發一個號做"奉茶"的APP。怹毋是欲請人啉茶，是欲利用APP，揣佗位有通好貯水，也通環保、減少糞圾。

紮啉水罐仔出門，想欲貯滾水，手機仔APP一揤，就會當查到離家己上近的奉茶站佇佗位。

過去嘛捌有相siāng的APP，毋過這支奉茶APP，除了公家機關的奉茶站，嘛邀請企業、店頭加入，透過互動tshit迌的方式，不管是飲水機、啉水台、抑是大茶鈷的資訊攏通掌握，揣水啉變甲蓋趣味。

「奉茶App」透過公私協力，佮環保署打造出數位行動的啉水地圖，佇今年的總統盃黑客松，提著出眾(卓越？)團隊的肯定。

想欲解決問題，會使對家己開始，積極參與公共事務，就是一種方式

已經舉辦三年的總統盃黑客松，希望邀請眾人做伙改變佮政府的關係，嘛鼓勵公部門和民間合作，利用數位科技，共政府的資料，做創新的運用。