無仝的畢業紀念品 學生提相片創作手機貼圖

啥人說畢業紀念冊一定愛厚厚一大本?嘉(南)藥理大學食品科技系的畢業生,提同窗的相片去做手機仔通訊軟體的貼圖,心適閣有創意。

今年欲對嘉南藥理大學食品科技系畢業的學生,為著予家己佇畢業進前,通留下無仝款的回憶,特別發揮創意,共同學的相片做成手機仔通訊軟體的貼圖。

這馬的少年人逐日攏會用手機仔開講,準講貧惰拍字,只要傳圖就好,省時間也省氣力。而且,和傳統、大本閣重huàinn-huàinn的畢業紀念冊比起來,這款行動的畢業紀念冊閣愈實用。
 
大學生配合流行趨勢,提同學的相片做實用的貼圖。in除了會當透過手機仔,回憶往過的學生生活,嘛予逐家佇畢業了後,會使繼續聯絡感情,這也是送予同學上蓋有意義的畢業紀念品。
 

全台敬老金大調查

相關新聞