行政院今仔日通過刑事補償法內容的修正案，將刑事補償的範圍，增加了愈闊，新添落去一條人格補償，也就是講，閣來若有無辜的受害者，本底已經判刑確定，尾手又閣改判無罪，就會當來申請損害著人格名聲的補所

咱國現步咧實施的刑事補償法，干焦有針對受害者，得著無罪的判決進前，予法院收押的過程來提供補償。毋過，行政院早起所通過修正的草案內底，未來就算受害者，行動自由無去受著束縛，干焦偵查、審判的過程中，抑是講判決的結果，對人格名聲有重大的損害，閣無法度申請國家賠償5-者，也聽好依法來請求刑事補償。另外，這擺所修改的法律條文，過去2年中間發生的案件，也有適合運用。