蔡秀玲愛畫圖 著2019雲林文化藝術獎頭獎
發布時間：
更新時間：
雲林二崙鄉菜農蔡秀玲，自細漢就佮意畫圖，毋過，因為厝內經濟困難，所以放棄做畫家的夢想，這陣伊利用有閒的時陣到社區大學上課，用畫筆畫出菜農作穡的模樣，和當地人信仰媽祖的文化，伊的作品也得著舊年雲林文化藝術獎頭名。
日頭光照入廟埕，信眾來廟，誠心參拜，這个場景，是真濟雲林二崙人的生活記持，當地畫家蔡秀玲，以西螺福興宮的太平媽為主題，畫出這幅圖，也提著2019年雲林文化藝術獎的頭獎。
共瓜笠仔褪落來，蔡秀玲講其實畫圖並毋是伊的本業，平常時伊攏和in丈夫佇菜園做穡，蔡秀玲自做囡仔的時就興趣畫圖，高中也考牢美術系，不過畢業了後，經濟上有真大的壓力，無法度繼續學畫圖，這陣伊利用歇睏日，去社區大學學畫花，也共伊身軀邊的人和故事畫出來。
一筆一筆共做穡人的辛苦，和當地媽祖的信仰文化畫佇畫布頂頭，蔡秀玲這陣毋那完成做畫家的夢想，也用色料予二崙人成作是伊創作的主角。
日頭光照入廟埕，信眾來廟，誠心參拜，這个場景，是真濟雲林二崙人的生活記持，當地畫家蔡秀玲，以西螺福興宮的太平媽為主題，畫出這幅圖，也提著2019年雲林文化藝術獎的頭獎。
共瓜笠仔褪落來，蔡秀玲講其實畫圖並毋是伊的本業，平常時伊攏和in丈夫佇菜園做穡，蔡秀玲自做囡仔的時就興趣畫圖，高中也考牢美術系，不過畢業了後，經濟上有真大的壓力，無法度繼續學畫圖，這陣伊利用歇睏日，去社區大學學畫花，也共伊身軀邊的人和故事畫出來。
一筆一筆共做穡人的辛苦，和當地媽祖的信仰文化畫佇畫布頂頭，蔡秀玲這陣毋那完成做畫家的夢想，也用色料予二崙人成作是伊創作的主角。
