臺灣抵擋「武漢肺炎」表現好，國際真肯定。抑以早，一站是咧時行「寒熱症」，也就是人咧講的「瘧疾」，彼當陣政府經過美國援助，有設一間專門咧研究這款病症的機關，就起踮屏東的潮州高中這搭遮，近來學校申請著經費，欲將這間「病症的研究所」重新復原，予地方的歷史愈濟人知。


這間真有歷史的建築，是屏東潮州高中的「校史館」。毋過，佇日本時代的時，煞是臺灣公共衛生史上誠重要的「臺灣瘧疾研究所」。當時臺灣的抗疫專家，拍拚17冬，總算共瘧疾趕出臺灣，所以這棟建築也留下珍貴的歷史紀錄。


後來，設佇潮州的「臺灣瘧疾研究所」經過改建，tsua̋n變成較無人行跤到的校史館。校方為著予空間多元利用，最近特別共國教署申請經費，欲進行內部空間的整修，希望保留校史，嘛通成做社區的共讀站。


鎮公所表示，「臺灣瘧疾研究所」會使講是臺灣防疫歷史的源頭，更加是潮州人的驕傲，未來按算欲打造出適合觀光的歷史紀念場域，上重要的是，欲重現早期咱臺灣人，拍拚對抗瘧疾的歷史。

記者 綜合報導