浪子回頭學雕刻 林鉦傑作品受眾人肯定

浪子回頭上蓋可貴，佇雲林東勢有一个雕刻家，伊自出獄了後，就來做柴的雕刻，作品閣兩擺入選更生人美術展。

這座柴雕順自然的勢，閣藏真濟幼路的變化，若親像有動物咧走、抑是有雲佇咧飛。這是雕刻創作者，林鉦傑上蓋驕傲的作品。

林鉦傑雕刻的作品，兩改入選更生人美術展，嘛得著地方大大細細的獎。伊少年毋捌代誌，因為提銃予舉報，落獄坐監。出獄了後，伊無師自通，家己買機器、家己揣資料學雕刻，一開始是做文昌筆、聚寶盆等等工藝品趁食，後來，才沓沓仔揣著家己創作的風格。

林鉦傑用雕刻融入社會，得到肯定佮成就感，他向望他的經驗，會當鼓勵有同款過去的人，重新揣著家己的目標、反省過去，行未來的路。