古早時納涼"行直" 慶安宮保存百年地磚棋盤
發布時間：
更新時間：
古早時代農村社會，逐家納涼的娛樂除了佇樹仔跤行棋，竟然有一款叫做「行直」是坐咧塗跤耍的。臺南善化慶安宮廟方表示，重新過翻的時，發現一塊紅色的磚仔，地方序大講，這是已經保存咧欲百年、「行直」咧用的棋盤。
兩個老大人坐佇廟前的亭仔跤，當咧耍棋子。這種棋子真罕得看見、棋盤閣較稀罕，是佇塗跤的磚仔面頂行棋。
台南善化慶安宮廟方表示，這塊地磚有欲倚百年的歷史，這種棋號做「行直」。「行直」是古早時代農村社會，逐家納涼的娛樂。在地老輩講，兩个人對戰，一人12粒棋子，不管是橫的猶是直的，只要三粒連做一線、抑是共對方的棋子包起來，就會使共食掉。
古早有一句話講「神仙棋，乞丐直」。就是咧講行直是老百姓簡單的娛樂。慶安宮幾若十年前重新過翻，意外發現這個上百年的棋盤磚。予現代人嘛會使體驗這種坐佇亭仔跤激頭殼的古早行棋。
兩個老大人坐佇廟前的亭仔跤，當咧耍棋子。這種棋子真罕得看見、棋盤閣較稀罕，是佇塗跤的磚仔面頂行棋。
台南善化慶安宮廟方表示，這塊地磚有欲倚百年的歷史，這種棋號做「行直」。「行直」是古早時代農村社會，逐家納涼的娛樂。在地老輩講，兩个人對戰，一人12粒棋子，不管是橫的猶是直的，只要三粒連做一線、抑是共對方的棋子包起來，就會使共食掉。
古早有一句話講「神仙棋，乞丐直」。就是咧講行直是老百姓簡單的娛樂。慶安宮幾若十年前重新過翻，意外發現這個上百年的棋盤磚。予現代人嘛會使體驗這種坐佇亭仔跤激頭殼的古早行棋。
823公投》重啟核三，你怎麼看？
