臺中大甲文昌祠，經過六年的整修，共本底漏水的廟寺翻新，也會當繼續保庇民眾佮囡仔，金榜題名gâu讀書。

臺中大甲的文昌祠，經過六年的整修，總算完成矣。大甲區公所佮台中市文資處特別遵照古禮，舉辦「入火安座」的科儀，恭請文昌帝君重新入去坐位。

文資處表示，佇7冬前,議員提議文昌祠漏水愛整修，動工了後，也發現正殿厝頂的西施髻也有損害，閣向文化部爭取經費來幫助修復。

這回修復的重點,有正殿佮三川殿、厝頂的剪粘、塗捏尪仔佮防水工程。其中，上大的改變，是共三川殿頂頭的龍，根據日本時代的相片，改做下降拜塔的形體。未來也會培訓文化導覽志工，紹介文昌祠的點點滴滴。


記者 綜合報導