韓國瑜邀請甄珍任公益大使 探視獨居序大

高雄市韓國瑜市長,早起和市內的公益大使,老牌的藝人「甄珍」,做伙去探訪家己獨居咧蹛,遐的序大,伊嘛親身替老大人結圍巾,表示心意。抑毋過頂日仔,韓國瑜佇咧Facebook,將伊和選舉期間保護安全的特勤人員,徛做伙翕的相片貼出來,嘛引起眾人議論,早起人閣問起這層代誌,韓國瑜是無加說明。

==高雄市長 韓國瑜 vs. 記者==
(市長昨天有感謝國安局的人員嗎)
(加油 加油)謝謝 謝謝
(市長會告苦苓嗎)


韓國瑜先將老牌藝人「甄珍」,送上車,閣翻頭來接接民眾,無論翕相,抑是簽名,伊攏無推辭,毋過人問起講,作家「苦苓」指出,若罷免韓國瑜,會當替市政府省1千2百億落來,韓國瑜是攏無回應。抑高雄市政府這爿是發表聲明,強調講韓國瑜執政一冬,高雄市舊年干焦增加14億外的債務,比較自本所編的預算,欲加借6十5億外,已經較減有50億,嘛批評「苦苓」是抹烏韓國瑜,要求伊即時公開道歉,若無就欲提出告訴。





 

全台敬老金大調查

相關新聞