臺中主顧聖母堂 莊嚴設計.宣揚教義

臺中沙鹿的靜宜大學，過去栽培出真濟社會賢達。抑學校內的這間新起的「主顧聖母堂」，用十外冬的時間來建設，工程的經費用去九千萬，今嘛已經完工落成。咱來看白鑠鑠的教堂，予四片咖啡色的壁包起來，頂頭閣徛一座金的十字架，看著是真莊嚴，閣真高雅。


在學校主教的見證之下，校長共鎖匙接落來、拍開教堂大門，代表主顧聖母堂正式啟用。教堂對天頂看落來若魚，按聖經故事「五餅二魚」落去設計，天篷安十字型的玻璃，予逐家感受天主溫暖的愛。外口壁閣用竹仔包，向望人就像竹仔虛心受教、有氣節，也會當像竹筍殼互相包容。

==靜宜大學校長 唐傳義==
我們靜宜的主顧聖母堂終於落成了
其實這是一個讓我們所有師生
在那裡淨化心靈 為自己的未來
做祈福的地方
我們會非常歡迎所有的人
都親近我們教堂


教堂內底的椅仔、櫥仔，邀請仝款是天主教學校的臺東公東高工純手工打造，也有靜宜資傳系學生，設計電火光線照佇教堂，用動畫予逐家了解耶穌的一生。

====
==現場學生==
超級厲害 因為我很喜歡看光雕
然後我覺得學校的學生
真的做出如此之漂亮的光雕
真的很棒
就是所有的聖母跟平常
我們有可能在畫像裡面看到的東西
都呈現在我們聖母堂前面


校方表示，主顧聖母堂是象徵天主的厝，未來也會是教友交流的場所，繼續共天主慈愛的奉獻精神傳揚出去。

記者 綜合報導