長輩扞手摵茶店1日 捐收入幫贊閣較濟序大

臺南玉井遮有一間手摵茶的店頭，頂日仔舉辦「一日店長」的任務，邀請一陣阿公、阿媽來鬥扞店，增加藝量。另外嘛共每一日開店，接頭一主人客的收入，固定攏捐予「華山基金會」玉井站，向望通幫助閣較濟老大人咧。


在台南玉井有一間手摵茶店，這間店跟平常時仔無啥仝，內底的店員竟然是五個加起來超過四百歲的阿公阿媽，原來是店頭家陳文洲，邀請華山基金會玉井站的老大人，來店裡挑戰一日店長的任務。

====
按結帳這顆
按下去之後 收錢
好 錢就收進來


頭家真有耐心共阿公阿嬤解釋要安怎接待人客、要安怎做飲料， 阿公阿嬤聽甲足認真。罕的啉手摵茶的老大人，這擺會當家己做飲料，攏感覺很心適。

==華山基金會 長者==
我第一次來到飲料店
做這個嘗試
我覺得很新鮮


店頭家陳文洲平常時就真關心老人議題，這次為著要共華山基金會，「一間店幫助一老大人」的行動鬥贊聲，共逐工開店投一筆收入捐予基金會玉井站做服務經費。

==業者 陳文洲==
善心的團體這樣子
在陪伴這些老人家
他們做任何活動我都是願意支援的
我覺得我們能付出的就付出
==華山基金會玉井站站長 朱翼駿==
其實只要一天40塊
店家捐出第一筆的收入
也是呼籲說消費者
可以一天省下一杯飲料的錢
就可以來幫助我們


透過這些活動，毋但會當予老大人多活動，過甲閣較快樂，嘛會當閣較多人注意到照顧老人的議題，予孤單的老大人，感受到社會的關心佮溫暖。

記者 綜合報導