菲律賓東爿海面低壓帶 恐驚結成風颱"琵琶"

中秋欲到，天氣若較無穩定，驚的月娘就無通來探頭！中央氣象局講，菲律賓東爿的海面，有一撮低氣壓，未來無定會發展做今年第16號的風颱，名號做「琵琶」。就算講，到路尾是無轉變做風颱者，這撮低氣壓，猶原嘛會影響中秋這三工假期的氣候，北部和東半部，驚攏有落較大陣的雨水。

目前佇咧菲律賓東爿有一撮大大撮的低氣壓，敢會轉變做風颱？氣象局是講，著愛閣繼續觀察。總是這撮低氣壓，攏會影響著這拜五，中秋假期，臺灣北部和東半部的天氣，欲看著月娘來探頭，拍算機會是較無。未來若真正轉變做風颱者，定著會牽連規臺灣，天氣攏會較無穩定。